(Read this in English: README.md)

ilo Konpu li ilo nanpa lili a. ona li ilo sin, taso ona li sama ilo pi tenpo pini tawa lukin tawa pilin.

ilo Konpu li sama ni:

ona li lili a.
ona li pona tawa toki pona: sina ken kepeken sitelen Lasina anu kepeken sitelen pona.
ona li pona mute tawa kepeken nimi, li ken pona kin tawa sitelen lili, tawa kalama lili.
sina ken pali e ilo tawa ilo Konpu kepeken toki ilo C.
kin la, ilo Konpu li kepeken "toki waso". toki waso li toki ilo pona tawa ilo nanpa lili, tawa toki pona.

pali seme li lon

tenpo ni la, open taso li lon. jan li ken ala kepeken ona lon tenpo ni.