Ihesi Euskal Herriko 7 lurraldeak kontutan hartzen dituen lehen turismo aplikazioa da.
Argiaren Euskal Herrian Ihesi webgunearen osagarri izateko sortu dugu mugikorretarako bertsio hau.
Aplikazio plataforma-anitza da: Android eta iPhone gailuetan erabil daiteke.
Garapenean kontutan izan ditugu gailu mugikorrek eskaintzen dituzten aukerak: geokokapena, argazkiak ateratzea... Webgunean gomendioak herrien, zonaldeen eta lurraldeen arabera antolatuta daude baina mugikorretara egokitzean erabiltzailea jarri dugu erdigunean.
Ihesiren iturburu-kodeak GNU General Public License v3 lizentzia dauka eta erabiltzaileek sortutako edukiek Creative Commons Aitortu-PartekatuBerdin 3.0 Unported (CC BY-SA 3.0) lizentzia dute.